Oshxonadan topish mumkin bo‘lgan quyidagi 5 mahsulot shamollaganda yoki tomoq og‘riganda dardingizni haqiqatan ham yengillashtiradi.
Asal
Foto: Legion-Media
Bolalikdan hammaga tanish bo‘lgan vosita haqiqatan ham shamollash alomatlarini yo‘qotishga yordam beradi. Tabiiy asal kuchli antibakterial ta’sirga ega: u immunitet tizimini mukammal darajada mustahkamlaydi va yallig‘lanish jarayonlarining oldini oladi. Bundan tashqari, asal antioksidantlar — fenolik kislotalar va flavonoidlarning manbasi hisoblanadi. Ular hujayralarni erkin radikallarning shikastlanishidan ishonchli himoya qiladi, teri holatini yaxshilaydi va qarishning oldini oladi. Choy yoki qahva ichganingizda bir qoshiq asal iste’mol qiling. Asosiysi, asalni issiq suyuqlikda eritib yubormaslikdir: yuqori harorat ta’sirida u foydali xususiyatlarini yo‘qotadi va qo‘shimcha uglevodlarga aylanadi.
Tuz
Foto: Legion-Media
Tomoq og‘riganda sho‘r suv bilan chayish yaxshi yordam beradi. Tuz bakteriyalarni o‘ldiradigan va yallig‘lanish bilan faol kurashadigan antiseptik hisoblanadi. Bir stakan qaynoq suvga bir choy qoshiq tuzni eritib, suv iliguncha kuting. Eritma bilan iloji boricha tez-tez chaying (iloji bo‘lsa kuniga 6 martagacha). Natija uzoq kuttirmaydi: bir necha kundan keyin ahvolingiz yaxshilanganini sezasiz.
Limon sharbati
Foto: Legion-Media
Yana bir ajoyib antibakterial vosita bu — tabiiy limon sharbati. U vitamin C va tabiiy meva kislotalariga boy bo‘lib, immunitet tizimini mustahkamlaydi va kasallik qo‘zg‘atuvchi bakteriyalarni o‘ldiradi. Bir stakan iliq suvga yangi siqilgan yarimta limon sharbatini qo‘shing va kuniga bir necha marta tomog‘ingizni chaying.
Ichimlik sodasi
Foto: Legion-Media
Tomoqni chayqash uchun yana bir shifobaxsh ingrediyent. Ta’mi yoqimli emas-u, lekin ko‘plab dorilar ushbu vositaning samaradorligi oldida ip esholmaydi. Soda ham xuddi tuz kabi yallig‘lanish va bakteriyalar bilan kurashishga yordam beradigan kuchli tabiiy antiseptikdir. Agarda tuz va sodani aralashtirib tomoqni chaysangiz, davolash ikki baravar samarali bo‘ladi.
Hilba urug‘lari
Foto: Legion-Media
Hilba urug‘lari eng kuchli tabiiy antiseptiklardan biridir. Ular og‘riqni yengillashtiradi, yallig‘lanishni kamaytiradi. Hilbadan shifobaxsh bulon tayyorlash mumkin. Buning uchun bir litr sovuq suv va 3 osh qoshiq urug‘ kerak bo‘ladi. Urug‘larni 4-5 soatga ivitib, 10-15 daqiqa davomida qaynating. Uni ichish yoki tomoqni chayish mumkin. Bunday bulon nafaqat shamollashga qarshi yordam beradi, balki ovqat hazm qilishni yaxshilaydi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi