Xalqaro ekspertlar O‘zbekistondagi hozirgi iqtisodiy vaziyatni qanday baholaydi?

Prognozlashtirish va makroiqtisodiy tadqiqotlar instituti jamoasi II O‘zbekiston iqtisodiy forumi doirasida xorijiy ekspertlar orasida so‘rov o‘tkazdi.

Forumda 900 nafar xorijlik mehmon ishtirok etdi va ulardan 50 nafari O‘zbekiston iqtisodiyoti haqida o‘z fikrini bildirdi. Tanlangan respondentlar soni ishonchlilikni 95 foiz darajasini ta’minlaydi. Yo‘l qo‘yilishi mumkin bo‘lgan marginal xatolik 13,5 foizdan oshmaydi.

Xalqaro ekspertlar O‘zbekistondagi hozirgi iqtisodiy vaziyatni qanday baholaydi?

Bu savolga javob berish asnosida ekspertlar eng ko‘p «o‘sib borayotgan», «ochiq», «imkoniyatlar», «qiyin», «istiqbolli», «barqaror» so‘zlarini ishlatdi.

Jahon bankining Yevropa va Markaziy Osiyo bo‘yicha vitse-prezidenti Anna Berde o‘z nutqida YAIM hajmining 2022 yilda prognoz qilinayotgan 5,3 foizga, kelasi yilda esa 4,5 foizga o‘sishi bilan O‘zbekiston Yevropa-Markaziy Osiyo mintaqasidagi 23 ta davlat orasida eng tez rivojlanayotgan mamlakatlardan biriga aylanishini ta’kidladi.

O‘zbekistonni yanada rivojlantirishning asosiy manbalarini nimada?

Bu savolga ekspertlar IT, moliya yoki texnologiyalar deb emas, balki «inson kapitali», undan keyin «innovatsiyalar», «shaffoflik», «institutlar», «to‘g‘ridan-to‘g‘ri investitsiyalar», «hamkorlik» deb javob berishdi.

Forumning asosiy yutuqlari nimada?

Mehmonlar ishlatgan eng ko‘p so‘zlar — «netvorking», «ishonch», «ochiq muloqot», «kelishuvlar», «kontaktlar», «rejalar» bo‘ldi.

Bundan tashqari, «o‘zaro ishonchni mustahkamlash, jadallik, qarashlarni aniqlashtirish va qo‘shnilarni birlashtirish» javoblari ham keng ishlatilgani ushbu Forum mintaqaviy tadbirga aylanib bo‘lganligi haqidagi fikrni yana bir bor tasdiqlaydi. “Zamin” yangiliklarini “Facebook”da kuzatib boring