“O‘zbekiston Respublikasi milliy malaka tizimini yanada takomillashtirish chora-tadbirlari to‘g‘risida”gi prezident qarori qabul qilindi.
Qarorga ko‘ra, quyidagilar milliy malaka tizimini isloh qilishning asosiy yo‘nalishlari etib belgilandi, jumladan:
- xalqaro standartlar asosida Mashg‘ulotlar, kasb va lavozimlar milliy klassifikatorini ishlab chiqish va rivojlantirish;
- malaka ramkalari, kasbiy standartlar va malaka talablarini ish beruvchi talablari asosida ishlab chiqish, joriy etish va rivojlantirish;
- yangi avlod kasbiy standartlar asosida mehnat munosabatlarini tartibga solish;
- milliy malaka tizimining normativ-huquqiy, institusional va uslubiy asoslarini takomillashtirish;
- norasmiy va informal orttirilgan ko‘nikma va malakalarni tan olish (Recognition of Prior Learning) tizimini joriy qilish;
- ko‘nikmalarni prognozlashtirish (skills anticipation), ko‘nikmalarga bo‘lgan ehtiyojlarni tahlil qilish (skills needs analysis), ko‘nikmalar bilan bog‘liq kamchiliklarni o‘rganish (skills gap analysis) vositalari va metodologiyalarini ishlab chiqish va joriy etish.
“Ta’lim sohasidagi loyihalar markazi” loyiha ofisi huzurida Milliy malaka tizimini rivojlantirish instituti tashkil etiladi. 2025 yil 1 fevralgacha institutda Milliy malaka tizimini rivojlantirish bo‘yicha malaka oshirish kurslari yo‘lga qo‘yiladi.
2025 yil 1 noyabrgacha Milliy malaka tizimining yagona raqamli platformasi ishlab chiqiladi va amaliyotga kiritilishi ta’minlanadi.
2026 yil 1 dekabrga qadar ilg‘or xorijiy tajriba asosida 1800 ta kasbni qamrab oluvchi kasbiy standartlar ishlab chiqiladi va amaliyotga kiritilishi ta’minlanadi.
Prezident Shavkat Mirziyoyev 24 sentyabr kuni kasbiy ta’limni rivojlantirish va milliy malaka tizimini isloh qilishga oid takliflar taqdimoti bilan tanishgandi. Taqdimotda Milliy malaka tizimini isloh qilish masalalari ham ko‘rib chiqilgandi.
Taqdimotda mingdan ziyod ishchi kasblarning standartlari ishlab chiqilmagan, ayrim kasblar bo‘yicha kvalifikatsiyalar xalqaro talablarga mos kelmasligi qayd etilgandi. Shu bois endi Kasbiy malaka va bilimlarni rivojlantirish respublika kengashiga bosh vazir raislik qiladi. Uning tarkibida 24 ta yangi tarmoq kengashlari tuziladi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xonanda Ruxshona uylanmagan yigitga turmushga chiqqani haqida so‘zlab berdi
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
22 noyabr kuni Cobalt avtomobiliga shartnoma ochilishi e’lon qilindi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Dunyoning mashhur ayollari kunni qanday boshlaydi?
FIFA rasmiy saytida termamiz futbolchisi haqida juda iliq fikrlar bildirildi
Rossiyada yadroviy portlashdan himoyalovchi mobil boshpanalarni seriyali ishlab chiqarish boshlandi
