Navoiy viloyatida tug‘ilgan ayol fohishalik bilan shug‘ullangani uchun jazolandi. Bu haqda O‘zbekiston Oliy sudining rasmiy saytida ma’lum qilindi.
2023-yil 28-oktabr kuni soat taxminan 20:00da ichki ishlar organlari xodimlari Toshkent shahri Bektemir tumanida joylashgan "B H" mehmonxonasi hududida 1992-yilda tug‘ilgan ayolni fohishalik bilan shug‘ullanayotganida aniqlashdi. Ma’lum bo‘lishicha, ayol ajrashgan va bir nafar farzandi bor.
U ilgari ham xuddi shu kabi huquqbuzarlik uchun ma’muriy javobgarlikka tortilgan. Bektemir tumani jinoyat ishlari bo‘yicha sudining qaroriga ko‘ra, ayol O‘zbekiston Respublikasining Ma’muriy javobgarlik to‘g‘risidagi kodeksi "Fohishalik bilan shug‘ullanish" moddasi 2-qismi bo‘yicha aybdor deb topildi.
Unga 5 sutka ma’muriy qamoq jazosi tayinlandi. Shuningdek, ayol maxsus qabulxonada saqlanish xarajatlari uchun 309 000 so‘m miqdorida to‘lov amalga oshirishi lozim bo‘ladi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
