Kitob tumanida yashovchi haydovchi mast holda rulga o‘tirib, “Damas” rusumli avtomobilni urib, yo‘l-transport hodisasiga sababchi bo‘ldi, deb xabar berdi Kun.uz.
Tergov ma’lumotlariga ko‘ra, U.E. boshqaruvidagi “Labo” avtomashinasi yo‘l chetida to‘xtab turgan “Damas”ga borib urilgan. Natijada jabrlanuvchiga 3,4 million so‘mlik moddiy zarar yetgan.
Sud U.E.ni Ma’muriy javobgarlik to‘g‘risidagi kodeksning 131-moddasi 1-qismi bilan aybdor deb topdi va unga uch yil haydovchilik huquqidan mahrum etish hamda 16 million 480 ming so‘m jarima jazosini tayinladi.
Majburiy ijro byurosi ma’lum qilishicha, haydovchi tayinlangan jarimani to‘liq to‘lab bo‘ldi.
Muttaxassislar ta’kidlamoqda: rulga o‘tirgan odam nafaqat o‘z, balki boshqalarning ham hayoti uchun javobgar. Bir lahzali kayfiyat va mas’uliyatsiz qaror butun taqdirni o‘zgartirib yuborishi mumkin.
“Zamin”ni Telegramʻda oʻqing!
