Abdurahmon Baxtiyev Toshkent shahar hokimining transport va yo‘l infratuzilmasi masalalari bo‘yicha o‘rinbosari etib tayinlandi. U 2019 yildan buyon O‘zbekiston Respublikasi Prezidenti Administratsiyasida mas’ul xodim sifatida faoliyat yuritib kelgan. Bu haqda kursiv.uz xabar beradi.
Sirdaryo viloyatining Shirin shahriga hokim etib Dilfuza Kambarova tayinlandi. Bungacha u Xalq bankining viloyat filialidagi ayollar tadbirkorligini qo‘llab-quvvatlash mintaqaviy markazida rahbar o‘rinbosari lavozimida ishlagan.
Sirdaryo viloyatining Boyovut tumaniga hokim qilib Niyoz Hazratkulov tayinlandi. U ushbu tayinlovga qadar Shirin shahriga rahbarlik qilgan.
Namangan viloyatida ham kadrlar o‘zgarishi kuzatildi. Adham Karabayev Yangi Namangan tumani hokimi bo‘ldi. Avval u «Hududiy elektr tarmoqlari» AJning Namangan filialiga bosh direktorlik qilgan.
Muzaffar Abdullayev Uychi tumani hokimi etib tayinlandi. U bundan oldin viloyat iqtisodiyot va moliya bosh boshqarmasi boshlig‘ining birinchi o‘rinbosari sifatida ishlagan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
