19–26 dekabr kunlari Respublika fond birjasi «Toshkent»da yuqori likvidli aksiyalarning aksariyati o‘sish ko‘rsatdi. Natijada UCI fond indeksi 2,4% ga ko‘tarildi. Bu haqda kursiv.uz xabar beradi.
Hafta davomida eng katta o‘sish «Qashqadaryo texnologik transport» aksiyalarida qayd etilib, ularning qiymati 14,81% ga oshdi. Shuningdek, «Uzmetkombinat» (+7,04%) va «Uzbekneftgaz» (+5,52%) qimmatlashdi.
Shu bilan birga, haftaning eng yirik pasayishi «UzRTSB» aksiyalarida kuzatildi — kotirovkalar 12,68% ga tushdi. Bundan tashqari, «Garant bank» (-7,62%) va «Uzbekgeofizika» (-4,96%) aksiyalari ham arzonlashdi.
«Uzsanoatkurilishbank» hamda Uzbekinvest aksiyalarida esa narx o‘zgarishi kuzatilmadi. Umuman olganda, yuqori likvidli qimmatli qog‘ozlarning 14 tasi haftani o‘sish bilan yakunlagan bo‘lsa, 2 tasi o‘zgarmadi, 13 tasi esa manfiy dinamikani ko‘rsatdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
