O‘zbekiston Markaziy banki manfaatdor vazirlik va idoralar bilan birga Xalqaro moliya korporatsiyasi (IFC) bilan hamkorlikda ko‘char mulkni garov, lizing va boshqa ta’minotga taqdim etishni yengillashtirish uchun qonunchilik bazasini yanada takomillashtirish yuzasidan takliflarni ishlab chiqmoqda.
Markaziy bank Matbuot xizmatining aytishicha, ta’minot bo‘yicha bitimlar tuzishni takomillashtirish biznesni moliyalashtirishni soddalashtiradi va ko‘char aktivlarda yig‘ilib qolgan kapitalni harakatga keltirishga xizmat qiladi.
O‘zbekistonda tadbirkorlik sub’ektlari faoliyatini moliyaviy qo‘llab-quvvatlash, ularning kredit resurslaridan samarali foydalanish imkoniyatlarini kengaytirish, garov va kafolatlarni ta’minlashning yangi mexanizmlarini joriy qilish, shu asosda biznesni rivojlantirishga alohida e’tibor berilmoqda.
Ta’minot uchun bitimlarni muvofiqlashtirishning dunyoda to‘plangan ilg‘or tajribasi, hozirgi zamondagi rivojlanish tendensiyalari, ularni O‘zbekiston sharoitiga moslashtirish va tatbiq etish yo‘llari, qonunchilik asoslarini mustahkamlash, taklif etilayotgan o‘zgarishlarning bo‘lg‘usi samarasi, mamlakatdagi ishchanlik muhitini yaxshilashdagi ahamiyati kabi jihatlari muhokama etildi.
Seminarda, xususan, ta’minotga doir bitimlar tuzish mexanizmlarini joriy etish Jahon bankining har yili e’lon qilinadigan “Doing Business” hisobotida O‘zbekiston reytingining oshishiga ijobiy ta’sir ko‘rsatishi ta’kidlandi.
Ta’minot moliyaviy mablag‘larning qaytmasligi bo‘yicha kreditorlarning ehtimoliy yo‘qotishlar riskini kamaytirib, ularni moliyalashtirish manbalariga ko‘proq ega bo‘lishi uchun asos bo‘lib xizmat qiladi. Ko‘pchilik mamlakatlarda kreditlar bo‘yicha, odatga ko‘ra, ta’minot sifatida ko‘chmas mulk taqdim etiladi.
Bunda, qonunchilikdagi mavjud kamchiliklar tufayli ko‘char mulklar (ashyo va anjomlar, debitor qarzdorlik, hosil, asbob-uskunalar va hokazolar) uchun ta’minot bitimlari tuzishda cheklovlar mavjud va, natijada, katta hajmdagi kapitallar amalda “muzlab yotadi”, bunday aktivlarni garovga qo‘yish orqali moliyaviy reurslardan foydalanish imkoniyati cheklanadi.
Ko‘char mulkni ta’minot sifatida qabul qilish bo‘yicha yaratiladigan qulay huquqiy va institutsional muhit tadbirkorlik sub’ektlarining, avvalambor, kichik biznesning investitsiya jalb qilish va faoliyatini kengaytirishi uchun o‘z aktivlaridan manba sifatida foydalanishini ta’minlaydi.
IFC mikro, kichik va o‘rta korxonalarni moliyalash ko‘lamini oshirishda ta’minotga doir bitimlarni moliyaviy infrastrukturani rivojlantirishning tarkibiy qismlaridan biri deb hisoblaydi. “Biz O‘zbekistonning mamlakatda mana shunday tizimni yaratishga bo‘lgan xohish-istagini qo‘llab-quvvatlaymiz” deydi IFC vakili.
IFC O‘zbekistonning moliyaviy imkoniyatlarini kengaytirish uchun ta’minotga doir bitimlarni amalga oshirishning xalqaro tajribalaridan qolishmaydigan yaxlit huquqiy muhitini yaratish borasidagi sa’y-harakatlariga amaliy yordam ko‘rsatib boradi.
Manba: qalampir.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Har qanday katta yoshdagi kishi yetuk emas
AQSH harbiylari orasida o‘z joniga qasd qilish ko‘paydi
Erdo‘g‘on Turkiya Isroil bilan aloqalarini uzganini ma’lum qildi
Yaxshi pishgan va mazali anor tanlashga yordam beradigan tavsiyalar
Pashinyan Armanistonning Mustaqillik deklaratsiyani eng katta muammo va fojia deb atadi
Borrel YEIning Isroil bilan muloqotini to‘xtatishni taklif qildi
AQSH Isroilning ikki vaziriga sanksiya qo‘llamoqchi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
