BMTning yangi hisoboti dunyo bo‘ylab ayollarga nisbatan zo‘ravonlik qanchalik xavfli darajaga chiqqanini yana bir bor ko‘rsatdi. Ma’lumotlarga ko‘ra, 2024 yilda yer yuzida 83 ming ayol va qiz qasddan o‘ldirilgan. Eng yig‘loqsi — har kuni o‘rtacha 137 nafar ayol o‘z turmush o‘rtog‘i yoki yaqin qarindoshi qo‘lidan halok bo‘lgan.
Tahlillardan ma’lum bo‘lishicha, barcha qurbonlarning 60 foizini o‘z oilasi bilan birga yashagan erkaklar tomonidan o‘ldirilgan ayol va qizlar tashkil etadi. Solishtirish uchun: erkaklarga nisbatan qotilliklarning faqat 11 foizi oila davrasida sodir bo‘ladi.
BMT Ayollar dasturi siyosat direktori Sara Xendriks ta’kidlashicha, femitsid — ayollarni jinsiy belgisi asosida o‘ldirish — hech qachon to‘satdan sodir bo‘lmaydi. Uning aytishicha, bu odatda ta’qib qilish, tahdid, onlayn zo‘ravonlikdan boshlanib, keyin jismoniy zo‘ravonlikka va oxir-oqibat qotillikka aylanadi.
Hisobotda aytilishicha, ayollarga nisbatan eng ko‘p qotilliklar Afrikada kuzatilgan — har 100 ming ayolga 3 ta o‘lim to‘g‘ri keladi. Keyingi o‘rinni Amerika materigi egallagan.
Germaniya ham o‘z statistikasini e’lon qildi. Mamlakat Ichki ishlar vazirligiga ko‘ra, 2024 yil davomida 308 nafar ayol zo‘ravonlik qurboni bo‘lgan, ularning 191 tasida jinoyatchi turmush o‘rtog‘i, sobiq sherigi yoki qarindoshi bo‘lgani aniqlangan.
BMT hisoboti jahonda ayollar xavfsizligi hali ham keskin muammo ekanini, zo‘ravonlikning ildizini barvaqt aniqlash va uni oldini olish eng muhim vazifa bo‘lib qolayotganini ko‘rsatadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
