Yevropa futbolida yana to‘fon: Erling Xolandning navbatdagi ehtimoliy sahifa almashishi ichki va tashqi pressani titrata boshladi. Hozir “Manchester Siti”ning asosiy tirgak hujumchisi sifatida maydonni larzaga solayotgan norvegiyalik superforvard yozgi transferda PSJning bosh maqsadiga aylandi. Parij klubi uni qo‘lga kiritish orqali ham moliyaviy, ham sport nuqtayi nazaridan yangi davr boshlashni ko‘zlayapti.
Holand hozirgi paytda o‘zining eng yuqori formasida. Terma jamoa safida urgan 16 goli Norvegiyani mundialga olib chiqdi — buning o‘ziyoq uning hujumchi sifatida qanday darajada ekanini ko‘rsatadi. Uning klinik finishlari, jismoniy kuchiga tayanilgan hujum uslubi va hech qachon to‘xtamaydigan faolligi PSJ skautlari va murabbiylar shtabini yana darrov o‘ziga qaratib qo‘ydi.
Parij klubi hozirdan taktika o‘zagini o‘zgartiryapti. Gonsalu Ramush va Li Kan In kabi o‘yinchilarni sotish orqali shakllanadigan mablag‘ aynan Xoland transferiga yo‘naltirilishi aytilmoqda. Chunki Luis Enrike qo‘llayotgan modelda markaziy to‘purarning roli hal qiluvchi ahamiyatga ega — va bu obrazga eng yaxshisi Xoland tushadi.
Ispaniyalik murabbiy Erlingni Dembele, Kvaratsxeliya, Barkola va Due kabi qanot hujumchilari bilan uyg‘un o‘ynaydigan, jamoani yanada xavfli qiladigan “super-goleodor” sifatida ko‘radi. Uning fikricha, bunday tarkib PSJni Yevropadagi har qanday raqib bilan teng kurasha oladigan dominant mashinaga aylantiradi.
Albatta, bunday darajadagi transfer uchun gap kam bo‘lmaydi: taxminlar bo‘yicha kelishuv 200 million yevro atrofida baholanmoqda. Bu raqam futbol bozorini yana bir bor titratadi. Parijliklar Xoland orqali Kilian Mbappe ketganidan keyin yo‘qolgan mediaviylik va ta’sir kuchini qayta tiklashni ham maqsad qilgan.
Agar ushbu ssenariy amalga oshsa, 2026 yilgi transfer oynasi tarixga kiradi — va Xoland, ehtimol, PSJning yangi yuziga aylanadi. Rejalar jiddiy, parijliklar tayyor, Yevropa esa intiqlik bilan yangilik kutib turibdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
