Toshkent ko‘chalarida vaziyatni beqarorlashtirgan, yo‘l o‘rtasida haydovchilarni haqorat qilib, transport harakatiga tosqinlik keltirgan shaxsga sud javobi berildi. Ma’lumotlarga ko‘ra, voqea 13 noyabr kuni Yashnobod tumanida sodir bo‘lgan.
Ijtimoiy tarmoqlarda tarqalgan videolarda erkak haydovchilarga nisbatan qo‘pol so‘zlar ishlatib, “Qashqadaryolikman, zo‘ring bormi?”, deb baqirib, yo‘l harakatiga jiddiy xalaqit keltirgani yaqqol ko‘rinadi. Bu esa faqat osoyishtalikni emas, jamoat tartibini ham buzgan.
Sud majlisida u aybini tan olgan, qilgan harakati uchun afsusdaligini bildirgan va yengilroq chora so‘ragan. Biroq sud unga Ma’muriy javobgarlik kodeksining 183-moddasi — mayda bezorilik bo‘yicha ayblov qo‘llab, 10 sutka ma’muriy qamoq jazosini belgiladi.
Shuningdek, maxsus qabulxonada saqlash xarajatlari uchun har kuniga BHMning 15 foizi hisobidan, jami 618 ming so‘m davlat foydasiga undiriladigan bo‘ldi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
