Yevropa Chempionlar Ligasining 5-turida bir qator keskin va shov-shuvli o‘yinlar o‘tdi. Grand jamoalarning ba’zilari kutilgan o‘yinni ko‘rsata olmadi, boshqalari esa muxlislarni hayratga soldi. Tun futboli hissiyotlarga to‘la, gollarga boy va turnir taqdiriga ta’sir qiladigan voqealar bilan o‘tdi.
«Chelsi» – «Barselona»: Londonda kutilmagan va yirik hisob
Londonda kechgan markaziy bellashuvda «Chelsi» maydoniga kelgan «Barselona» qattiq mag‘lubiyatga uchradi — 3:0. Kataloniya jamoasi avvaldan yo‘l qo‘ygan xatolar qurboniga aylandi. Birinchi bo‘lim oxirida Ronald Arauxoning maydondan chetlatilishi esa mehmonlarning o‘yin tizimini izdan chiqardi.
Yul Jul Kunde o‘z darvozasiga to‘p kiritib yubordi, Estevao esa ta’sirchan reyd bilan hisobni oshirdi. Yakuniy zarbani zaxiradan tushgan Dilap berib, golga nuqta qo‘ydi.
«Chelsi» tarkibi orasida Jeyms, Kaysedo, Garnacho va Sanches kabi futbolchilar o‘yinni nazorat qilgan bo‘lsa, «Barsa» safida Yamal va Ferran kabi yoshlar harakat qilgani bilan farqni qisqartira olmadi.
Chelsi — Barselona 3:0
Gollar: Kunde 27 avtogol, Estevao 55, Delap 73
Chelsi – Sanches, Gusto (Andrey Santos, 46), Fofana, Chaloba, Kukurelya, Jeyms, Kaysedo, Estavao (Jorj, 84), Fernandes, Garnacho (Delap, 59), Net-u (Gittens, 76)
Barselona – Joan Garsiya, Erik Garsiya, Kunde, Balde (Jerar Martin, 79), Arauxo, Kubarsi, Ferran (Reshford, 46), Levandovski (Rafinya 62), Fermin Lopes (Kristensen, 62), De Yong, Yamal (Olmo, 80).
Ogohlantirishlar: Gusto 40, Mareska 52 – Arauxo 32
Chetlatish: Arauxo 44 (ikkinchi sariq kartochka)
«Manchester Siti» – «Bayer»: Husanov bilan boshlangan o‘yin ikki gollik mag‘lubiyat bilan yakunlandi
«Etixad»da kechgan o‘yin «Siti» uchun omadsiz bo‘ldi — 0:2. «Bayer» o‘zining yuqori tezlikka asoslangan o‘yini bilan mezbonlarning xato va bo‘sh zonalaridan unumli foydalandi.
Grimaldo juda chiroyli zarba bilan hisobni ochdi, ikkinchi bo‘limda esa Patrik Shik to‘pni darvozaga yo‘llab, hisobni mustahkamladi.
O‘zbekistonlik markaziy himoyachi Abduqodir Husanov bu bellashuvda start tarkibda maydonga tushdi va 65-daqiqaga qadar harakat qildi. U bir necha muhim to‘p olishlarda o‘zini ko‘rsatdi, ammo jamoaning umumiy o‘yini baribir kutilgan darajaga yetmadi.
Manchester Siti — Bayer 0:2
Gollar: Grimaldo 23, Shik 54
Manchester Siti – Trafford, Abduqodir Husanov (Sherki, 65), Stounz, Ake, Ait-Nuri (O’Rayli, 46), Levis (Foden, 46), Niko, Reynders, Bobb (Dok-u, 46), Savinio, Marmush (Holand, 65)
Bayer – Flekken, Bade, Tillman, Kuansa, Shik, Pok-u, Grimaldo, Garsiya, Maza, Kofane (Tella, 83), Belosyan.
Ogohlantirishlar: Grimaldo 60, Kofane 78
Dortmundda «Borussiya»ning gol yomg‘iri
«Borussiya Dortmund» o‘z uyida «Vilyarreal»ni yirik 4:0 hisobida mag‘lub etdi. Girassi o‘yin qahramoniga aylanib, dubl qayd etdi. Shu bilan birga Adeyemi va Svensson ham to‘p kiritishga muvaffaq bo‘ldi.
Har ikki jamoa ham umumiy o‘yinda yuqori temp namoyish etdi, ammo «sarg‘ish-qoralar»ning tezkor hujumlari mehmonlar himoyasini doimiy qiyin ahvolda qoldirdi.
Borussiya D — Vilyarreal 4:0
Gollar: Girassi 45+2, 55, Adeyemi 59, Svensson 90+5
Borussiya D – Kobel, Kouto, Anton (Jan, 84), Shlotterbek, Nmecha (Gross, 78), Brandt, Zabitser (Bellinghem, 78), Svensson, Adeyemi, Anselimo, Girassi (Silva, 68)
Vilyarreal – Luis Junior, Foyt, Mourinio (Navarro, 84), Veyga, Kardona, Parti (Marin, 66), Komesana (Parexo, 74), Guye, Bushanan, Pepe (Moleyro, 66), Oluvaseyi
Foydanilmagan penalti: Girassi 54, Silva 81
Chetlatish: Foyt 53
«Yuventus»ning oxirgi daqiqada kelgan dramatik g‘alabasi
Norvegiyadagi o‘ta qizg‘in bellashuvda «Yuventus» «Bude-Glimt» ustidan 3:2 hisobida zafar quchdi. Eng dramatik lahza — 90+1-daqiqada zaxiradan tushgan kanadalik Jonatan Devidning g‘alaba goli bo‘ldi.
Openda va Makkennining gollari turinliklarni hisobda oldinga olib chiqqan bo‘lsa, norveglar imkoniyat topib, hisobni tenglashtirdi. Biroq bellashuvning taqdiri so‘nggi daqiqada hal bo‘ldi.
Budyo-Glimt — Yuventus 2:3
Gollar: Blumberg 27, Fet 87 – Openda 48, Makkenni 59, Devid 90+1
Yuventus – Perin, Kopmeyners, Kelli, Kalulu, Lokatelli, Adzich (Yildiz, 46), Miretti (Tyuram, 68), Konseysau (Jegrova, 83), Kambyazzo (Kabal, 75), Makkenni, Openda (Devid, 75)
«Marsel»da Obameyang shou, «Napoli»ning esini jam qilgan o‘yini
«Marsel» — «Nyukasl» bahsida Per-Emerik Obameyangning dubli fransuzlar uchun muhim 3 ochkoni ta’minladi. Barnsning ilk goliga qarshi ikki to‘p kiritgan Obameyang o‘zining to‘g‘ri paytdagi harakatlari bilan o‘yin qahramoniga aylandi.
Marsel — Nyukasl 2:1
Gollar: Obameyang 46, 50 – Barns 6
Marsel – Ruli, Vea, Balerdi, Pavar, Emerson, Bakola (O’Rayli, 62), Payshao, Heyberg, Vermeeren, Grinvud (Gomes, 88), Obameyang (Vash, 90+2)
Nyukasl – Poup, Sher (Elanga, 61), Tonali, Gordon (Voltemade, 72), Barns, Tshau, Livramento (Holl, 61), Myorfi (Mile, 61), Uillok (Remsi, 72), Bern, Gimaraes
Ogohlantirishlar: Belardi 3, Bakola 36, Emerson 52, Grinvud 67 – Uillok 20, Gordon 42, Bern 65
«Napoli» esa «Qorabog‘»ga qarshi to‘liq ustunlikka ega bo‘lib, 2:0 hisobida g‘alaba qozondi. Maktomineyning aniq zarbasi va Yankovichning avtogoli italiyaliklarga muhim natija olib keldi.
Napoli — Qorabog‘ 2:0
Gollar: Maktominey 66, Yankovich, 72 avtogol
Napoli – Milinkovich-Savich, Bekema (Politano, 64), Buondjorno (Jezus, 90), Raxmani, Di Lorenso, Lobotka, Maktominey, Olivera, Neres (Vergara, 90), Hoylund (Lukka, 75), Lang (Elmas, 75)
Qorabog‘ – Koxalski, Silva (Dani Bolt, 75), Mustafozoda, Medina, Jafarguliyev (Bayramov, 75), Pedru Bikalyu, Yankovich, Zubir, Andrade (Kashuk, 60), Duran (Ohunzoda, 75), Adday
Foydanilmagan penalti: Hoylund 56
«Slaviya» – «Atletik»: golsiz, ammo keskin qarama-qarshilik
Pragadagi jang 0:0 hisobida yakunlandi. Har ikki jamoa gol imkoniyatlariga ega bo‘lgani bilan, himoyachilarning ongli va tayyor o‘yini gollar ro‘yxatini ochishga yo‘l qo‘ymadi.
Slaviya — Atletik 0:0
Slaviya — Stanek, Mozes, Zima, Xaloupek, Dudera (Holes, 55), Sadilek, Zafeyris, Mbodji (Boril, 55), Provod, Sanyang
Atletik – Simon, Areso, Boyro, Ruis de Galarreta, Rejo, Berenguer (Niko Uilyams, 58), Sanset (Sanches, 57), Navarro, Guruzeta (Gomes, 79)
Xulosa
YECHLning bu turi ko‘plab kutilmagan natijalar, qizg‘in vaziyatlar va yoqimli sensatsiyalar bilan yodda qoldi. Ayniqsa, o‘zbek futbolchisi ishtirok etayotgan o‘yinlar futbol muxlislari uchun alohida qiziqish uyg‘otdi. Turnirdagi keyingi bahslar esa yanada qiziqarli bo‘lishi kutilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
