Orolni qutqarish xalqaro jamg'armasi ta`sischi davlatlari rahbarlarining keng doiradagi majlisi bo'lib o'tdi. Unda O'zbekiston, Turkmaniston, Tojikiston, Qozog'iston, Qirg'iziston delegatsiyalari a`zolari, Jamg'arma boshqaruvi vakillari ishtirok etdi.
Davlat rahbari matbuot xizmatining xabar qilishicha, majlisda O'zbekiston Respublikasi Prezidenti Shavkat Mirziyoyev nutq so'zladi.
“Qariyb o'n yillik tanaffusdan so'ng o'tayotgan Orolni qutqarish xalqaro jamg'armasi ta`sischi davlatlari rahbarlarining bugungi tarixiy majlisi tashkilot faoliyatida yangi sahifa ochadi, Markaziy Osiyoda mintaqaviy sheriklikka katta sur`at bag'ishlaydi. Biz bu boradagi o'zaro hamkorlikka qat`iy tayyor ekanimizni yana bir bor tasdiqlaymiz”, dedi Shavkat Mirziyoyev.
Orol dengizi qurishining oqibatlari tobora chuqurlashayotgani, Orolbo'yi atrofidagi hududlar cho'llanishi davom etayotgani ta`kidlandi. Suv resurslari tanqisligi, yer degradatsiyasi, bioxilma-xillikning kamayishi va boshqa jiddiy iqlim o'zgarishlari kuzatilayotganiga e`tibor qaratildi.
“Shu bois bugungi uchrashuvimiz juda muhim. Ushbu halokat oqibatlarini yengib o'tish va Orolbo'yida ijtimoiy-iqtisodiy vaziyatni yaxshilash, mamlakatlarimiz manfaatlarini hisobga olgan holda suv va ekologiya bilan bog'liq muammolarni hal etish uchun sa`y-harakatlarimizni birlashtirishimiz zarur.
Orolni qutqarish xalqaro jamg'armasi bu boradagi yagona mintaqaviy tashkilotdir. U mamlakatlarimiz hamkorligining ta`sirchan mexanizmiga aylanishi mumkin.
Ishonamanki, tashkilot doirasida mintaqaning barcha mamlakatlari manfaatlari o'rtasida muvozanatga erisha olamiz. Zero, umumiy kelajagimiz – o'zimizning qo'limizda”, deya ta`kidladi davlat rahbari.
Prezident Orolni qutqarish xalqaro jamg'armasi faoliyatini takomillashtirish, hududga innovatsion yechimlar va xorijiy investitsiyalarni jalb etish, “yashil iqtisodiyot”ni rivojlantirish, ilmiy-amaliy tadqiqotlar olib borish va boshqa masalalar bo'yicha muhim takliflarni ilgari surdi.
Eslatib o'tamiz, avvalroq prezidentlar tor doirada uchrashuv o'tkazgani, Orol muammosi muhokama qilingani xabar berilgandi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Mariya Zaxarova ukrainaliklarni Amerika hindulariga o‘xshatdi
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi