'Yirtqich: O'lim sayyorasi' ilk haftada $80 mln yig'di

2025-yil 10-noyabr, 17:53. "Yirtqich: O'lim sayyorasi" filmi ilk dam olish kunlarida $80 mln daromad keltirdi, deb xabar bermoqda "Variety".

Undan $40 mln AQSh bozoriga to'g'ri keldi, bu esa tahlilchilarning $25–30 mln atrofidagi prognozlaridan ancha yuqori bo'ldi. Filmning budjeti $105 mln bo'lib, global miqyosda $80 mln bilan boshlanishi istiqbolli deb baholanmoqda.

AQShda yig'ilgan $40 mln summasi franshiza uchun rekord bo'ldi, u 2004-yilda chiqarilgan "Chorindagi yirtqich" filmining $38 mln ko'rsatkichidan oshib ketdi. Filmga 13+ reytingi berilishi kengroq auditoriyani jalb qilishga imkon yaratdi.

Shu bilan birga, Imax va Dolby kabi yuqori sifatli formatlar AQShdagi umumiy daromadning 59 foizini tashkil etdi. "Yirtqich: O'lim sayyorasi"ning muvaffaqiyati so'nggi oylarda 28 yillik eng past darajaga tushgan kinobozor faoliyatini tiklashga yordam bermoqda.

Hozirda AQShdagi umumiy daromadlar 2024-yil ko'rsatkichlaridan taxminan 3 foizga yuqorilab bormoqda. “Zamin”ni Telegramʻda oʻqing!