Ahad Qayum: “She’rlarim Sherali Jo‘rayevdan Ulug‘bek Rahmatullayevgacha xit qo‘shiqlarga hayot berdi”
O‘zbek shoiri va aktyori Ahad Qayum intervyularidan birida o‘zining yozgan she’rlarining mashhur xonandalar tomonidan ijro etilib, xit darajasiga chiqqanini ma’lum qildi.
U shunday dedi: “Ijodimdan yaratilgan qo‘shiqlarni qisqacha sanab o‘tsam: Sherali Jo‘rayev ‘Ilk muhabbat yomon ekanda, kuydiradi jonni pinhon’ qo‘shig‘ini kuyladi, Ozodbek Nazarbekov ‘Kulishimni sog‘indi kimlar, so‘lishimni sog‘indi kimlar’ni, Shohjahon Jo‘rayev ‘Yoring go‘zal hur bo‘lsin, yuzlarida nur bo‘lsin’ni, Farhod Saidov ‘Yor kelar malakmu bu, yo sevgidan darakmu bu’ni va Ulug‘bek Rahmatullayev ‘Meni kechir, xato qildim, meni kechir’ qo‘shig‘ini ijro etdi.”
Ahad Qayumning so‘zlariga ko‘ra, bu san’atkorlar uning she’rlarini kuylash orqali o‘z ijodiy repertuarini boyitgan va ushbu qo‘shiqlar tinglovchilar tomonidan sevimli xitlar sifatida qabul qilingan.
Shoir va aktyor o‘z intervyusini yakunlar ekan, san’atkorlar bilan hamkorlik uning ijodiy faoliyatiga katta hissa qo‘shganini ta’kidladi.
“Zamin”ni Telegramʻda oʻqing!
