Bosh vazir o‘rinbosari Aziz Abduhakimov feysbukdagi rasmiy sahifasida 3 avgust kuni o‘tkazilgan kirish imtihonlari bo‘yicha hisobot e’lon qildi.
Bugungi test sinovlarida 17ta oliy ta’lim muassasalarining 89ta ta’lim yo‘nalishida 58 ming 533 nafar abituriyent ishtirok etgan, turli sabablarga ko‘ra 1166 nafar abituriyent test sinovlariga kelmagan.
Shuningdek, 272 abituriyent imtihondan chetlatilgan.
«Test sinovlari tartib qoidalarini buzganligi sababli 272 nafar abituriyent, shundan 109 nafari hududga kirish joyida uyali telefon, shpargalkalar olib kirishga va o‘zgani o‘rniga kirishga uringani uchun, 163 nafari bino ichida shpargalkadan foydalanishga va boshqa abituriyentlarga yordam berishga uringani uchun test sinovlaridan chetlashtirildi», deyiladi xabarda.
Test natijalari Qoraqalpog‘iston Respublikasi, viloyatlar va Toshkent shahridan Feldegerlik xizmati tomonidan maxfiyligi va daxlsizligini ta’minlagan holda Davlat test markaziga soat 18.30dan qaytarish boshlangan. So‘nggi materiallar Qoraqalpog‘iston Respublikasi va Xorazm viloyatidan tungi vaqt bilan soat 1:00da yetib kelishi kutilmoqda.
Yetib kelgan test natijalari bo‘yicha darhol kompyuter yordamida qayta ishlash jarayoni boshlanadi.
Davlat test markazining xodimlari tashqariga chiqmasdan, telefon va boshqa aloqa vositalaridan foydalanmagan hamda test materiallarining maxfiyligini ta’minlagan holda test materiallarini qayta ishlaydi.
3 avgust test natijalari 4 avgust kuni kunning ikkinchi yarmida Davlat test markazining dtm.uz saytida e’lon qilinadi.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi
Mariya Zaxarova ukrainaliklarni Amerika hindulariga o‘xshatdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?
