O‘zbekistonlik dzyudochilar Er-Riyodda o‘tayotgan VI Islom birdamlik o‘yinlarida muvaffaqiyatli start olib, to‘rtta medalni qo‘lga kiritishdi — bitta oltin, bitta kumush va ikkita bronza. 66 kg vazn toifasida qatnashgan dzyudochi Bekmurodov finalda Qozog‘iston vakili Erjan Erenqaypovga qarshi bahs olib bordi va uchrashuvni vazariga bahosi bilan yakunlab, g‘alaba qozondi.
Bu sportchining xalqaro darajadagi birinchi oltin medali bo‘ldi. 73 kg vazn toifasida Ahadov Olimpiya chempioni va ko‘plab xalqaro musobaqalar g‘olibi, Ozarbayjon vakili Xidoyat Heydarovga qarshi final bahsini o‘tkazdi.
Qattiq kurash sakkiz daqiqadan ko‘proq davom etdi va shido hisobiga raqibning g‘alabasi bilan yakunlandi. 48 kg vazn toifasidagi ayollar bahsida o‘zbekistonlik sportchi Qozog‘iston vakili Diana Burkeyevani ippon bilan mag‘lubiyatga uchratdi va ushbu medal joriy o‘yinlarda o‘zbekistonliklarning birinchi mukofoti bo‘ldi.
57 kg vazn toifasida yana bir o‘zbekistonlik sportchi Ozarbayjon vakili Fidan Alizade bilan bellashdi va uchrashuvni toza ippon bilan yakunlab, bronza medalini qo‘lga kiritdi.
