Prezident jahon chempioni Gulshan Alimardonovaga avtomobil sovg‘a qildi

Joriy yilning 27–30-noyabr kunlari Misrning Qohira shahrida bo‘lib o‘tgan karate bo‘yicha Jahon chempionatida oltin medalni qo‘lga kiritgan Gulshan Alimardonova Prezident sovg‘asi bilan taqdirlandi. Bu haqda O‘zbekiston axborot agentligi xabar berdi.

Hukumat qaroriga ko‘ra, WKF yo‘nalishi bo‘yicha ayollar o‘rtasida jahon chempioni bo‘lgan ilk o‘zbekistonlik sportchi BYD Song Plus DM-i UzPride avtomobili bilan mukofotlandi.

Ma’lumot uchun, jahon chempionati finalida Gulshan Alimardonova malayziyalik raqibasini 6:1 hisobida mag‘lub etgan. Ushbu g‘alaba orqali u O‘zbekiston sport tarixida ayol karatechilar orasida birinchi jahon chempioni sifatida qayd etildi.