Butunjahon antidoping agentligi (WADA) O‘zbekiston Milliy antidoping agentligini (UzNADA) maxsus kuzatuv ro‘yxatiga kiritdi. Bu qaror 2025 yil fevral oyida o‘tkazilgan tekshiruv davomida aniqlangan qoidabuzarliklar asosida qabul qilingan.
UzNADA o‘z navbatida xatolarni to‘rt oy ichida bartaraf etish rejasi ishlab chiqilganini ma’lum qildi. "Agar belgilangan muddatda kamchiliklar to‘g‘rilanmasa, WADA avtomatik tarzda rasmiy xabarnoma yuboradi va tiklanish shartlarini belgilaydi", deyiladi agentlik bayonotida.
WADA xalqaro tashkilot bo‘lib, sportda doping qo‘llanilishiga qarshi kurashadi. Agentlik yagona antidoping qoidalarini ishlab chiqadi, taqiqlangan moddalar ro‘yxatini e’lon qiladi, tekshiruvlarni muvofiqlashtiradi va milliy tashkilotlarni qo‘llab-quvvatlaydi.
Mehmon guruhidagi foydalanuvchilar ushbu nashrga izoh qoldira olmaydi.
