Monako Gavrga qarshi o'yin oldidan ogohlantirdi
3
Monako hujumchisi Folarin Balogun Liga 1ning 19-turida Gavrga qarshi bahs oldidan jamoa kayfiyati va maqsadi haqida gapirdi. Bu haqda euro-football.ru xabar beradi.
Forvardning ta'kidlashicha, monakoliklar bugungi raqibni hurmat qiladi, biroq safarda faqat g'alaba va uch ochko uchun maydonga tushmoqchi.
Balogun Gavrni jismonan kuchli, kurashchan jamoa sifatida baholadi va Realga qarshi o'yin ortidan ortiqcha o'yga berilish foyda bermasligini aytdi: «Bu juda qiyin uchrashuv bo'ladi. Biz o'tgan o'yin — Real bilan bahs haqida o'ylab o'tirib qolishimiz mumkin, lekin bu bizga yordam bermaydi», — dedi u klub matbuot xizmatiga.
Hafta o'rtasida Monako Chempionlar ligasida Madridning Real klubiga 1:6 hisobida yirik mag'lub bo'lgandi.
18 turdan so'ng Monako 23 ochko bilan turnir jadvalida 9-o'rinda bormoqda. Gavr — Monako uchrashuvi 24-yanvar kuni raqib maydonida bo'lib o'tadi va 23:00 da (Toshkent vaqti bilan) start oladi.
“Zamin”ni Telegramʻda oʻqing! 
