Makginn dubli bilan porladi, intriga oxirigacha saqlandi Aston Villa Nottingem Forestni yengdi
APLning 20-turida «Aston Villa» o‘z maydonida «Nottingem Forest»ni 3:1 hisobida mag‘lub etdi. Uchrashuv qahramoni Jon Makginn bo‘lib, u ikki bor raqib darvozasini ishg‘ol qildi. Bu haqda kursiv.uz xabar beradi.
O‘yin boshidan mezbonlar tashabbusni qo‘lga oldi: «Villa» to‘pni ko‘proq nazorat qildi, jarima maydoni atrofida bosimni oshirdi va xavfli vaziyatlar yaratdi. «Forest» esa past blokda himoyalanib, hujumga kamdan-kam chiqdi.
Birinchi bo‘lim yakunlanayotgan pallada, 45-daqiqada bosim natija berdi. Youri Tilemans hujumni boshlab berdi, Morgan Rodjers uzatmani davom ettirdi, Olly Uotkins jarima maydoni tashqarisidan kuchli zarba bilan to‘pni darvozaning yuqori burchagiga joyladi.
Tanaffusdan keyin «Aston Villa» hisobdagi ustunligini tezda oshirdi: Makginn o‘ng qanotdan Metti Kesh uzatgan to‘pni yakunlab, ikkinchi golni urdi. Shunga qaramay, «o‘rmonchilar» tez orada javob qaytardi — Morgan Gibbs-Uayt darvozabon bilan yakkama-yakka vaziyatdan unumli foydalanib, farqni qisqartirdi.
Intriga uzoq davom etmadi. Makginn darvozabonning xatosidan foydalanib, bo‘sh darvozani aniq nishonga oldi va o‘yindagi ikkinchi golini rasmiylashtirdi. Yakunda mehmonlar hisobni o‘zgartirishga urindi, biroq «Villa» vaziyatni nazoratda ushlab qoldi.
“Zamin”ni Telegramʻda oʻqing!
