Krishtianu Ronaldu murabbiy bilan kelishuvga ko'ra OFK Chempionlar ligasi 2 (Osiyodagi ikkinchi darajali klub turniri) guruh bosqichi uchrashuvlarida maydonga tushmayapti. Shunga qaramay, Al-Nasr yetakchisiz ham ishonchli natija ko'rsatmoqda. Bu haqda euro-football.ru xabar beradi.
Saudiya klubi chorshanba kuni guruhdagi beshinchi o'yinida ham g'alaba qozondi: Tojikistonda "Istiqlol" 4:0 hisobida yirik mag'lub etildi. Natijada Al-Nasr guruhni birinchi o'rinda yakunlab, keyingi bosqichga yo'l oldi.
Uchrashuvdan so'ng Ronaldu ijtimoiy tarmoqlarda Al-Nasrning birinchi o'rin bilan pley-offga chiqqani haqidagi postni repost qildi va unga ikki emoji — olov hamda qarsak belgisini qo'shdi.
40 yoshli portugaliyalik yulduzning Al-Nasr bilan amaldagi shartnomasi 2027 yilning o'rtalarigacha mo'ljallangan.
Shuningdek, internetda Ronaldu va Tojikiston bilan bog'liq soxta xabar ham muhokama qilinmoqda.
“Zamin”ni Telegramʻda oʻqing!
