Argentinaning «Boka Huniors» klubi sport direktori lavozimiga Marselo Delgado tayinlanganini rasman e’lon qildi. U klub prezidenti Xuan Rikelme bilan yaqin hamkorlikda ishlaydi — Rikelme avvalroq «Barselona» safida ham to‘p surgan. Bu haqda euro-football.ru xabar beradi.
«Boka Huniors» tarkibni tezkor kuchaytirishga muhtoj, shu bois Delgado va Rikelme oldida transfer bozorida jiddiy vazifalar turibdi.
Marselo Delgado futbolchilik faoliyatida ham katta tajriba to‘plagan: u Argentina terma jamoasi safida 1995–2002 yillarda 18 ta uchrashuv o‘tkazgan va 1998 yilgi Jahon chempionatida ham ishtirok etgan.
Delgado 2003 yilda Libertadores kubogida eng yaxshi to‘purar bo‘lgan — u bu ko‘rsatkichda «Santos»ning braziliyalik hujumchisi Rikardo Oliveyra bilan bir xil natija qayd etgan.
“Zamin”ni Telegramʻda oʻqing!
