Argentina grandi «Boka Xuniors» klubning yangi sport direktori nomini e’lon qildi — bu lavozimga Marselo Delgado tayinlandi. U klub prezidenti Xuan Rikelme bilan yaqin hamkorlikda ishlaydi, Rikelme avval «Barselona» safida ham to‘p surgan. Bu haqda euro-football.ru xabar beradi.
Klub tarkibni tez fursatda kuchaytirishga muhtoj, shu bois Delgado va Rikelme oldida transferlar bo‘yicha muhim vazifalar turibdi.
Delgado futbolchilik faoliyati davomida Argentina terma jamoasiga ham jalb etilgan: 1995–2002 yillarda u milliy jamoa safida 18 ta uchrashuv o‘tkazgan va 1998 yilgi jahon chempionatida ham ishtirok etgan.
Shuningdek, u 2003 yilda Libertadores kubogining eng yaxshi to‘purari bo‘lgan — bu ko‘rsatkichni «Santos» hujumchisi, braziliyalik Rikardo Oliveyra bilan bo‘lishib olgan.
“Zamin”ni Telegramʻda oʻqing!
