Ijtimoiy tarmoqlarda The Athletic tuzgan futbol tarixidagi 100 nafar eng kuchli futbolchi reytingi keng muhokamaga sabab bo'lmoqda. Bu haqda euro-football.ru xabar beradi.
Ushbu ro'yxatning ilk o'nligi shunday ko'rinish oldi: Lionel Messi, Diego Maradona, Pele, Yoxan Kroyf, Krishtianu Ronaldu, Alfredo di Stefano, Frants Bekkenbauer, Zinedin Zidan, Ferents Pushkash va Mishel Platini.
Bunday reytinglarda mutlaq xolislikka erishish qiyin ekani ta'kidlanmoqda. Reddit’dagi izohlarda futbol ixlosmandlari o'rtasida qizg'in bahslar ketdi: ayrimlar uch karra jahon chempioni bo'lgan Pelening faqat uchinchi pog'onaga qo'yilgani bilan norozi.
Shuningdek, darvozabonlar orasida afsona hisoblangan Lev Yashin bu reytingda 18-o'ringa joylashtirilgani qayd etildi.
“Zamin”ni Telegramʻda oʻqing!
