Argentina grandi “Boka Juniors” klubida sport direktori lavozimiga Marselo Delgado tayinlangani e’lon qilindi. U jamoa prezidenti Xuan Rikelme bilan yaqin hamkorlikda ishlaydi. Bu haqda euro-football.ru xabar beradi.
Klub tarkibni tez fursatda kuchaytirishga muhtoj, shu bois Delgado va Rikelme duetidan transferlar bozorida faol va aniq qadamlar kutilmoqda.
Marselo Delgado futbolchilik faoliyatida ham yuqori saviyada o‘ynagan: u 1995–2002 yillar oralig‘ida Argentina terma jamoasida 18 ta uchrashuvda maydonga tushgan, jumladan 1998 yilgi jahon chempionatida ham qatnashgan.
2003 yilda esa Delgado “Santos” hujumchisi Rikardo Oliveyra bilan birga Libertadores Kubogining eng yaxshi to‘purari bo‘lgan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
