Madridning «Atletiko» klubi yana bir bor braziliyalik yarim himoyachi Ederson Lourensoni «Atalanta»dan olib kelish variantini ishga tushirmoqchi. Bu haqda jurnalist Matteo Moretto ijtimoiy tarmoqlarda ma'lum qildi. Bu haqda euro-football.ru xabar beradi.
26 yoshli futbolchining Bergamo klubi bilan amaldagi shartnomasi 2027 yilgacha mo'ljallangan. Ederson o'zini yuqori saviyadagi o'yinchi sifatida ko'rsatgani sababli, uni Yevropaning bir qator yirik jamoalari tarkibni kuchaytirish uchun ko'z ostiga olgan.
«Atalanta» esa yarim himoyachini jamoada saqlab qolish niyatida va uni faqat katta summa evaziga qo'yib yuborishga tayyor. Qishki transfer oynasida «Atletiko» istagiga rad javobi olgach, madridliklar mart oyida yana kelishuvga erishishga urinib ko'radi.
Joriy mavsumda Ederson 28 ta uchrashuvda maydonga tushib, 1 ta gol urdi va 1 ta golli uzatma berdi. Transfermarkt portali uning bozor qiymatini 40 million yevroga baholamoqda.
“Zamin”ni Telegramʻda oʻqing!
