«Antalyaspor» himoyachisi Georgiy Jikiya Turkiyadagi faoliyati yuzasidan berilgan savollarga javob qaytardi. 32 yoshli futbolchining qisqa izohi «FNL s Ilyovym» telegram-kanali e'lon qilgan videoda ko‘rsatildi. Bu haqda euro-football.ru xabar beradi.
Jikiyadan klubdagi ishlari qanday ketayotgani so‘ralganda, u «hammasi yaxshi» deya javob berdi. Turkiyadagi sharoitlar ham ko‘ngildagidek ekanini u tabassum bilan tasdiqladi.
Jikiya «Antalyaspor» safiga o‘tgan yozda qo‘shilgandi. Shundan beri u barcha musobaqalarda 13 uchrashuvda maydonga tushib, ikki bor raqib darvozasini ishg‘ol qildi.
Hozir «Antalyaspor» Turkiya Superligasi turnir jadvalida 14-o‘rinda bormoqda. Jamoa navbatdagi o‘yinini 13 fevral kuni o‘z maydonida «Samsunspor»ga qarshi o‘tkazadi.
“Zamin”ni Telegramʻda oʻqing!
