Argentina grandi «Boka Xuniors» klubida sport direktori almashdi: bu lavozimni endi Marselo Delgado egallaydi. U klub prezidenti Xuan Rikelme bilan yaqin hamkorlikda ishlaydi. Rahbariyat jamoani tez fursatda kuchaytirish zarurligini yashirmayapti va yangi tandemning asosiy vazifasi ham aynan shu bo‘ladi. Bu haqda euro-football.ru xabar beradi.
Delgado futbolchilik faoliyatida ham katta tajriba to‘plagan. U 1995–2002 yillar oralig‘ida Argentina milliy jamoasi safida 18 o‘yin o‘tkazgan, jumladan 1998 yilgi jahon chempionatida ham ishtirok etgan. 2003 yilda esa u «Santos» hujumchisi Rikardo Oliveyra bilan birga Libertadores kubogining eng sermahsul to‘purari bo‘lgandi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
