Markaziy himoyachi Kalidu Kulibali kelasi mavsumda ham «Al-Hilol» safida to‘p suradi. Saudiya klubi rasmiy saytida senegallik futbolchi bilan tuzilgan shartnoma uzaytirilganini ma’lum qildi. Bu haqda euro-football.ru xabar beradi.
Yangi kelishuv hujjatlariga imzo chekkan Kulibalining «Al-Hilol» bilan hamkorligi 2027 yilning o‘rtalarigacha davom etadi.
Kulibali jamoaga 2023 yilda qo‘shilgandi. U bungacha Yevropada «Mets», «Genk», «Napoli» va «Chelsi» klublarida o‘ynagan.
Himoyachi Saudiya Arabistonini avvalo yuqori maosh sabab tanlaganini yashirmagan, keyinroq esa mahalliy chempionat darajasini ham yaxshi baholagan.
Hozir «Al-Hilol» Saudiya Pro-ligasi turnir jadvalida peshqadamlik qilmoqda. Ikkinchi o‘rindagi «An-Nasr» esa bir ochko ortda qolmoqda.
“Zamin”ni Telegramʻda oʻqing!
