Turkiyaning “Kayserispor” klubida to‘p surayotgan rossiyalik yarim himoyachi Denis Makarov jarohat oldi va hozircha qachon maydonga qaytishi noma’lum. Bu haqda klub matbuot xizmati ma’lum qildi. Bu haqda euro-football.ru xabar beradi.
Tekshiruvlar natijasida futbolchining o‘ng sonining yuqori qismidagi mushaklar guruhida yengil shikastlanish hamda shish aniqlangani qayd etildi. Hozirda Makarov davolanishni davom ettirmoqda.
Makarov “Kayserispor” safidagi debyutini 3 fevral kuni “Galatasaroy”ga qarshi o‘yinda o‘tkazgan edi. Uchrashuv 0:4 hisobida yakunlandi, Makarovning jamoasi turnir jadvalida 17-o‘rinda bormoqda va ligada qolish uchun kurash olib bormoqda. Avvalroq yarim himoyachi Moskvaning “Dinamo” klubida o‘ynagan va jamoani erkin agent sifatida tark etgan.
“Zamin”ni Telegramʻda oʻqing!
