"Bavariya" hujumchisi Garri Keyn Bundesliganing shanba kungi o‘yinida "Verder"ga qarshi bahsda (3:0) ikkita gol urdi. Angliyalik forvard 22-daqiqada penaltidan aniq zarba berdi, 25-daqiqada esa o‘yindan gol kiritdi. Bu haqda euro-football.ru xabar beradi.
32 yoshli futbolchi Germaniya chempionatining joriy mavsumida 12 tur qolganida allaqachon 26 ta gol jamg‘argan. Matbuot vakillari undan Robert Levandovskining 41 gollik rekordini yangilash ehtimoli bor-yo‘qligini so‘rashdi.
Keyn bu borada shoshilmasligini aytdi: rekord nihoyatda kuchli ko‘rsatkich ekanini ta’kidladi. Hozir o‘zini yaxshi his qilayotganini va jamoaga foyda keltirayotganidan mamnunligini bildirgan hujumchi, aprel oyidagi holatiga qarabgina rekord haqida jiddiy o‘ylashini qo‘shimcha qildi. Uning aytishicha, hozir diqqat keyingi uchrashuvga qaratilishi kerak.
Shuningdek, "Verder" darvozasiga kiritilgan ikkinchi gol Keyn uchun professional faoliyatidagi 500-gol bo‘ldi.
“Zamin”ni Telegramʻda oʻqing!
