Myunxenning "Bavariya" klubi hujumchi Harri Kane bilan amaldagi shartnomani uzaytirish bo'yicha muzokaralarni tezlashtirdi. Sky nashri xabariga ko'ra, tomonlar yangi bitimni 11 iyun kuni boshlanadigan Jahon chempionatiga qadar rasmiylashtirishni rejalashtirmoqda. Bu haqda Goal.com xabar beradi.
Germaniya rekordchisi futbolchi va uning oilasidan ijobiy javob olgan. Klub sobiq rahbari Karl-Xaynts Rummenigge hujumchining jamoada qolish istagini tasdiqladi.
Uning so'zlariga ko'ra, Kane shartnomadagi tovon puli bandidan foydalanmagani uning Myunxenda qolish niyati qat'iy ekanini anglatadi.
Sport direktori Maks Eberl ham bu pozitsiyani qo'llab-quvvatlab, mavsum yakunlangach futbolchi bilan muzokaralar stoli atrofida yechim topilishini ma'lum qildi. Kane 2023-yilda "Tottenxem"dan 100 million yevro evaziga transfer qilingan edi.
Hujumchi yangi murabbiy Vinsent Kompani qo'l ostida o'yin uslubini o'zgartirib, ko'proq pleymeykerlik vazifasini ham bajarmoqda. U hozirga qadar myunxenliklar safida 141 ta uchrashuvda maydonga tushib, 138 ta gol urishga muvaffaq bo'ldi.
Kanening amaldagi shartnomasi 2027-yilgacha mo'ljallangan. Futbolchining o'zi ham Myunxenda baxtli ekanini va bor e'tiborini "Bavariya"dagi faoliyatiga qaratganini ta'kidladi.
Bu esa uning yaqin orada Angliya Premyer-ligasiga qaytishi haqidagi gap-so'zlarga chek qo'ydi.
“Zamin”ni Telegramʻda oʻqing!
