Argentina grandi «Boka Xuniors» klubning yangi sport direktori kim bo‘lishini rasman e’lon qildi: bu lavozim Marselo Delgadoga topshirildi. Endilikda u jamoa prezidenti Xuan Rikelme bilan yaqindan hamkorlikda ishlaydi. Bu haqda euro-football.ru xabar beradi.
Klub hozir tarkibni zudlik bilan kuchaytirishga muhtoj. Shu bois Rikelme va Delgadodan iborat tandem yaqin vaqt ichida transfer bozorida faol ishlashi, jamoani zarur nuqtalarda mustahkamlashi kutilmoqda.
Delgado futbolchilik faoliyatida ham salmoqli tajribaga ega: u 1995–2002 yillarda Argentina terma jamoasida 18 ta uchrashuv o‘tkazgan va 1998 yilgi jahon chempionatida ham maydonga tushgan.
Shuningdek, 2003 yilda u Libertadores kubogi to‘purari bo‘lgan — «Santos» hujumchisi Rikardo Oliveyra bilan birga. Endi Delgadoning vazifasi boshqa: «Boka Xuniors»ni natija beradigan tarkib bilan ta’minlash.
“Zamin”ni Telegramʻda oʻqing!
