Turkiya chempionatining 22-turida «Galatasaroy» «Eyupspor»ni yirik hisobda mag'lub etdi — 5:1. Uchrashuv qahramoni argentinalik hujumchi Mauro Ikardi bo'lib, u uchta gol urdi. Bu haqda euro-football.ru xabar beradi.
Shu xet-trik Ikardiga Istanbul klubi tarixida yangi natija qayd etish imkonini berdi: u «Galatasaroy» safida 76-golini urib, klubning eng sermahsul legioneriga aylandi. Avval bu ko'rsatkich ruminiyalik Georgi Xadjiga tegishli edi — uning hisobida 75 ta gol bor edi, Ikardi esa undan bir qadam oldinga o'tdi.
Umumiy to'purarlar ro'yxatida esa Ikardi hozircha yettinchi o'rinda qayd etilmoqda. Eslatib o'tamiz, Mauro Ikardi «Galatasaroy»da 2023 yildan beri to'p surmoqda, undan avval u «PSJ» sharafini himoya qilgan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
