Argentinaning «Boka Xuniors» klubi sport direktori lavozimiga yangi nomzodni tasdiqladi: ushbu vazifani endilikda Marselo Delgado bajaradi. Klub rahbariyati u prezident Xuan Rikelme bilan yaqin hamkorlikda ishlashini ma'lum qildi. Bu haqda euro-football.ru xabar beradi.
Jamoa tarkibni zudlik bilan kuchaytirishga muhtoj ekani ta'kidlanmoqda. Shu sabab Delgado va Rikelme dueti transferlar va seleksiya yo'nalishida tezkor qarorlar ustida ishlashi kutilmoqda.
Delgado futbolchilik faoliyatida ham katta tajriba to'plagan: u 1995–2002 yillarda Argentina terma jamoasi safida 18 ta uchrashuv o'tkazgan va 1998 yilgi jahon chempionatida ham ishtirok etgan. 2003 yilda esa u Libertadores kubogining eng yaxshi to'purari bo'lib, bu sovrinni «Santos» hujumchisi Rikardo Oliveyra bilan bo'lishib olgan.
“Zamin”ni Telegramʻda oʻqing!
