Argentina grandi “Boka Xuniors” klubida sport direktori lavozimiga yangi tayinlov amalga oshirildi: bu vazifani endi Marselo Delgado bajaradi. U klub prezidenti Xuan Rikelme bilan yaqin hamkorlikda ishlaydi. Bu haqda euro-football.ru xabar beradi.
Jamoa tarkibini tez fursatda kuchaytirish zarurati borligi ta’kidlanmoqda. Shu sababli Delgado va Rikelme dueti transfer va seleksiya masalalarida faol ish olib borishi kutilmoqda.
Delgado futbolchilik faoliyatida ham katta tajriba to‘plagan: u 1995–2002 yillar oralig‘ida Argentina terma jamoasida 18 ta uchrashuvda maydonga tushgan, 1998 yilgi JChda ham ishtirok etgan.
Shuningdek, 2003 yilda Delgado “Santos” hujumchisi Rikardo Oliveyra bilan birga Libertadores kubogining eng yaxshi to‘purari bo‘lgan.
“Zamin”ni Telegramʻda oʻqing!
