Rossiya futboli sobiq yulduzi Aleksandr Mostovoy mart oyida Rossiya va Mali terma jamoalari o‘rtasida o‘tishi mumkin bo‘lgan o‘yin haqida fikr bildirdi. Bu haqda euro-football.ru xabar beradi.
Rossiya futbol ittifoqi (RFI) hozircha Mali bilan uchrashuvni rasman e’lon qilmagan. Shunga qaramay, Mali tomoni vakillari kelishuv borligini aytib o‘tgan. Ma’lumotlarga ko‘ra, bahs 27 mart kuni Krasnodarda bo‘lib o‘tadi.
Mostovoy raqiblar darajasi oshayotgani ijobiy holat ekanini ta’kidladi. Uning aytishicha, oldingi sparringlarda Nigeriya, Peru va Chili kabi jamoalar bo‘lgan, endi esa Mali ham qo‘shilmoqda. Sobiq futbolchi xulosa chiqarishga shoshilmaslik, avvalo asosiy futbolchilardan kimlar yig‘inga kelishini ko‘rish kerakligini qayd etdi. «Yaxshi, endi savdo markazlari bilan emas, jiddiy raqiblarga qarshi o‘ynayapmiz», — deya Mostovoyning so‘zlarini keltiradi «Sport-Ekspress».
Rossiya terma jamoasi so‘nggi yig‘inni noyabrda o‘tkazgandi: Valeriy Karpin jamoasi Peru bilan 1:1 hisobida durang o‘ynab, Chiliga 0:2 hisobida yutqazgan. Sanksiyalar sabab Rossiya terma jamoasi hozircha rasmiy xalqaro turnirlarda ishtirok etmayapti.
“Zamin”ni Telegramʻda oʻqing!
