«Bavariya» hujumchisi Garri Keyn «Barselona»ga ehtimoliy transferi haqidagi xabarlarga munosabat bildirdi. Bu haqda euro-football.ru xabar beradi.
Yaqinda kataloniyaliklar prezidenti Xavyer Vilaxoana ingliz futbolchisi bo'yicha muloqotlar bo'layotgani haqida gapirgandi.
Keyn esa Sky Sport'ga bergan intervyusida bu borada hech qanday ma'lumotga ega emasligini aytdi: «Men bu haqda hech narsa eshitmaganman. Bu ishlar bilan otam va akam shug'ullanadi, lekin ular menga bu haqida hech narsa demadi. Faqat shuni takrorlayman: men bu yerda, “Bavariya”da baxtliman va hozirgi klubimga to'liq e'tibor qaratganman. Biroq bu gaplarni kompliment sifatida qabul qilaman», — dedi u.
32 yoshli forvardning Myunxen klubi bilan shartnomasi 2027 yilgacha amal qiladi. Mish-mishlarga ko'ra, «Barselona» Keynni Robert Levandovskining o'rnini bosuvchi nomzod sifatida ko'rmoqda.
“Zamin”ni Telegramʻda oʻqing!
