Sarukyan Topuriyaga: jangdan qochmay kelishuv qil, sen menga oson raqibsan
Arman Sarukyan UFC chempioni Iliya Topuriyani ochiqchasiga jangga chorlab, uni to‘qnashuvdan qochayotganlikda aybladi. Sarukyan Topuriyani o‘zi uchun "oson raqib" deb atadi va uni qo‘rqmasdan shartnoma imzolashga chaqirdi. Sportchi raqibiga 15-iyun kungi turnirdan so‘ng oktagonda uchrashishni taklif qilib, unga nisbatan kuchli psixologik bosim o‘tkazmoqda. Hozirda har ikki jangchi muxlislar e’tiborida bo‘lib, Topuriyaning navbatdagi raqibi kim bo‘lishi katta qiziqish uyg‘otmoqda.
Arman Sarukyan amaldagi UFC chempioni Iliya Topuriyaning soʻnggi bayonotlariga keskin javob qaytardi. U intervyuda raqibini ochiqcha jangdan qochishda aybladi va unga toʻgʻridan-toʻgʻri chaqiriq tashladi.
Tsarukyanning aytishicha, agar Topuriya oʻz kuchiga ishonsa, unda ular oʻrtasidagi jangni imzolashdan qochmasligi kerak. U raqibiga “Oq uy”da boʻladigan turnirdan keyin shartnoma tuzib, oktagonda uchrashishni taklif qildi.
“Agar sen oʻzingni kuchli deb bilsang, nega men bilan jang qilishdan qochyapsan? Men uchun sen oson raqibsan!,” — dedi Sarukyan.
Uning bu soʻzlari jang oldidan keskin psixologik bosim sifatida baholanmoqda. Har ikki sportchi ham hozir eʼtibor markazida.
Eslatib oʻtamiz, Topuriya 15 iyun kuni UFC White House Event doirasida Jastin Getjiga qarshi jangga chiqadi. Shu jangdan keyin uning kelajak raqibi masalasi yanada qiziydi.
Izohlar 0
…