Shanba kuni La Liga doirasida Madridning «Real» jamoasi kutilmaganda «Osasuna»ga 1:2 hisobida imkoniyatni boy berdi. Bu haqda euro-football.ru xabar beradi.
«Qaymoqranglilar» safidagi yagona golni 73-daqiqada Vinisius Junior urdi. Mezbonlar esa uch ochkoni 90-daqiqada kiritilgan gol orqali qo'lga kiritdi.
Uchrashuvdan keyingi matbuot anjumanida bosh murabbiy Alvaro Arbeloa vaziyatga xotirjam qarashga chaqirdi: «Men futbolchilarimga ishonaman. Oldinda juda uzun masofa bor, har bir o'yinda g'alaba qozonib bo'lmaydi. Hozir vahimaga tushish va muvaffaqiyatga ishonchni yo'qotish vaqti emas», — dedi u.
Shunga qaramay, «Real» turnir jadvalida peshqadam bo'lib turibdi va «Barselona»ni ikki ochkoga ortda qoldirmoqda. Biroq kataloniyaliklar yakshanba kuni o'z maydonida «Levante»ni mag'lub etsa, yana birinchi o'ringa ko'tariladi.
“Zamin”ni Telegramʻda oʻqing!
