Oʻzbekiston terma jamoasi va «Istanbul Bashakshehir» hujumchisi Eldor Shomurodov Turkiya chempionatida eng sermahsul futbolchi sifatida yetakchilikni qoʻlga oldi. Bu haqda euro-football.ru xabar beradi.
21-fevral holatiga koʻra (Toshkent vaqti bilan) Shomurodov «gol+pas» tizimida 20 ochko jamgʻardi: 16 ta gol va 4 ta assist. Shu natija bilan u turnir toʻpurarlar roʻyxatida ham birinchi oʻrinda bormoqda.
«Galatasaray» yulduzlari bilan taqqoslaganda ham Eldor sezilarli ustunlikka ega. Mauro Ikardining barcha o‘yinlarda 13 ta goli bor, Viktor Osimhen esa milliy chempionat doirasida 9 marta raqib darvozasini ishgʻol qilgan.
Eslatib oʻtamiz, Shomurodov toʻp surayotgan Oʻzbekiston terma jamoasi 2026 yilda Shimoliy Amerikada oʻtadigan jahon chempionatiga yoʻllanmani qoʻlga kiritgan.
“Zamin”ni Telegramʻda oʻqing!
