«Manchester Yunayted» sardori Bruno Fernandes 2026-yilgi jahon chempionatida Portugaliya terma jamoasi bilan g'alaba qozonishni maqsad qilgan. Yarim himoyachi ushbu sovrinni Krishtianu Ronaldoning afsonaviy faoliyati uchun munosib mukofot deb hisoblamoqda. Bu haqda Goal.com xabar beradi.
Fernandes 41 yoshli hujumchining xalqaro maydondagi faoliyati eng yuqori nuqtada yakunlanishini istaydi. Besh karra «Oltin to'p» sohibi uchun AQSh, Kanada va Meksika mezbonlik qiladigan turnir faoliyatidagi so'nggi imkoniyat bo'lishi kutilmoqda.
«Men mamlakatim bilan faxrlanish uchun bor kuchimni ishga solaman. Krishtianu bilan so'nggi mundialda g'olib chiqish ajoyib bo'lardi.
Bu nafaqat Portugaliya, balki Ronaldoning futbolga bergan barcha narsasi uchun ham muhim», — dedi Fernandes.
Hozirda «Al-Nassr» safida to'p surayotgan Ronaldo terma jamoa tarkibida 143 ta gol urib, jahon rekordini o'rnatgan. Roberto Martines boshchiligidagi jamoa 2026-yilgi turnirning guruh bosqichida Kongo DR, O'zbekiston va Kolumbiya terma jamoalariga qarshi maydonga tushadi.
Klubdagi kelajagi haqida gapirganda, «Manchester Yunayted» rahbariyati Fernandesni sotmasligini ma'lum qildi. O'tgan mavsumda 18 ta golli uzatmani amalga oshirgan sardor jamoaning yangi loyihasida asosiy figura bo'lib qoladi.
“Zamin”ni Telegramʻda oʻqing!
