«Bavariya» klubi «Chelsi»dan ijaraga olingan hujumchi Nikolas Jeksonning kelajagi borasida yakuniy qarorga keldi. Myunxenliklar rahbariyati senegallik futbolchini 65 million yevro evaziga to'liq sotib olish huquqidan foydalanmaslikni tanladi. Bu haqda Goal.com xabar beradi.
Klub sport direktori Maks Eberl ushbu ma'lumotni tasdiqladi. Uning so'zlariga ko'ra, 24 yoshli hujumchi joriy mavsum yakunlangach, Londonning «Chelsi» klubi ixtiyoriga qaytadi.
Myunxenliklar futbolchini ikkinchi bor ijaraga olish niyatida ham emas.
Jekson joriy mavsumda Garri Keynning o'rinbosari sifatida samarali o'yin ko'rsatdi. U 29 ta uchrashuvda maydonga tushib, 10 ta gol urdi va 4 ta golli uzatmani amalga oshirdi.
Ayniqsa, uning so'nggi beshta o'yinda to'rtta gol urgani mutaxassislar e'tiborini tortgan edi.
«Bavariya» bosh murabbiyi Vinsent Kompani futbolchining mehnatsevarligini yuqori baholagan bo'lsa-da, klub rahbariyati moliyaviy strategiyani birinchi o'ringa qo'ydi. Jeksonning «Chelsi» bilan shartnomasi 2033 yilgacha amal qiladi va uning Germaniyadagi muvaffaqiyatli o'yinlari boshqa Yevropa klublarida qiziqish uyg'otishi kutilmoqda.
“Zamin”ni Telegramʻda oʻqing!
