Tramp ishtirokidagi tadbirda otishma uyushtirgan gumonlanuvchi shaxs qoʻlga olindi

AQSH prezidenti ishtirok etgan tadbirda sodir boʻlgan otishma holatidan soʻng gumonlanuvchi shaxs qoʻlga olindi.

CBS News maʼlumotiga koʻra, 31 yoshli Kouel Allen tergov davomida Oq uy maʼmuriyati aʼzolariga qarshi hujum uyushtirishni rejalashtirganini tan olgan.

Biroq u prezidentga toʻgʻridan-toʻgʻri oʻq uzish niyati boʻlgan-boʻlmagani haqida aniq maʼlumot berilmagan.

Maʼlum qilinishicha, u Vashingtondagi Washington Hilton mehmonxonasida oʻtkazilgan tadbir ishtirokchisi sifatida kirgan.

Huquqni muhofaza qiluvchi organlar maʼlumotiga koʻra, gumonlanuvchi qoʻlida toʻpponcha va bir nechta pichoq boʻlgan.

U yakka tarzda harakat qilgan va tadbir oʻtkazilayotgan zal kirishida bir necha marta oʻq uzgani qayd etilmoqda.

Nigina Zarqarayeva

«ZAMIN.UZ» muharriri

+ Zamin.uz saytini Google'ga qo'shing