Toshkent viloyatida FVB rahbari 63 ming dollar pora bilan ushlandi
Toshkent viloyatida Favqulodda vaziyatlar tizimi mansabdori tadbirkordan 63 ming dollar miqdorida pora talab qilgani uchun qo‘lga olindi. U 5,04 milliard so‘mlik qurilish loyihalarini o‘z xizmat mavqeyi orqali hal qilib berishni va’da qilib, mablag‘ning bir qismini avvalroq qabul qilgan. Davlat xavfsizlik xizmati va Departament xodimlari tomonidan o‘tkazilgan tezkor tadbirda gumonlanuvchi navbatdagi 25 ming dollarni olayotganida ushlandi. Hozirda mazkur holat yuzasidan jinoyat ishi qo‘zg‘atilib, mansabdor shaxsga nisbatan qamoq ehtiyot chorasi qo‘llanilgan.
Toshkent viloyatida favqulodda vaziyatlar tizimiga aloqador mansabdor shaxs pora bilan qoʻlga olindi.
Maʼlumotlarga koʻra, u tumanda amalga oshirilishi rejalashtirilgan qurilish ishlari boʻyicha tadbirkorga yordam berishini aytib, katta miqdorda pul talab qilgan.
Xususan, 5,04 milliard soʻmlik loyihalarni oʻz aloqalari orqali hal qilib berishini bildirib, masʼul shaxs MCHJ rahbaridan 63 ming AQSH dollari soʻragan.
Aniqlanishicha, u 2026 yil mart–aprel oylarida ushbu mablagʻning 24 ming dollarini olgan va qolgan qismini ham talab qilishda davom etgan.
Davlat xavfsizlik xizmati va Bosh prokuratura huzuridagi Departament hamkorligida oʻtkazilgan tezkor tadbirda mansabdor yana 25 ming dollarni olayotgan paytida ushlangan.
Hozirda mazkur holat yuzasidan jinoyat ishi qoʻzgʻatilib, gumonlanuvchiga nisbatan qamoq ehtiyot chorasi qoʻllangan.
Izohlar 0
…