Argentina futbol assotsiatsiyasi (AFA) prezidenti Klaudio Tapia ijtimoiy badallar to'lanmagani bilan bog'liq ish doirasida prokuraturaga so'roq uchun chaqirildi. Bu haqda euro-football.ru xabar beradi.
U bilan birga tashkilot g'aznachisi Pablo Tovigino ham ish bo'yicha figurant sifatida qayd etilgan. Huquq-tartibot organlari ikkala mansabdorga ham mamlakatni tark etishni taqiqladi.
So'roq 5 mart kuni bo'lib o'tishi belgilangan. Tergov AFA tomonidan davlat g'aznasiga 13 million dollar miqdoridagi ijtimoiy badallar kelib tushmagani ortidan boshlangan.
Tapianing mulkiga tegishli, vertolyot qo'nish maydonchasiga ega 10 gektarlik qo'rg'on ham shubha ostiga olingan.
Prokuraturani yana futbolchilarga beriladigan bonuslar hajmi ham qiziqtirmoqda: ma'lumotlarga ko'ra, bu to'lovlar Tapianing dunyo bo'ylab parvoz xarajatlaridan ham kamroq.
“Zamin”ni Telegramʻda oʻqing!
