Myunxenning «Bavariya» jamoasi bosh murabbiyi Vensan Kompani hujumchi Garri Keynning maydondagi vazifalari haqida fikr bildirdi. So'nggi paytlarda angliyalik futbolchi ko'proq yarim himoyaga tushib, sheriklariga uzatma va kombinatsiyalarda faolroq qatnashayotgani e'tiborni tortmoqda. Bu haqda euro-football.ru xabar beradi.
Kompani bu o'zgarish futbolchining sifatlarini inobatga olgan holda yuzaga kelganini ta'kidladi: Keyn juda aqlli, to'p jamoada bo'lgan paytda esa qaror qabul qilishning yarmi murabbiylik ko'rsatmasi, yarmi esa futbolchiga bildirilgan ishonch ekani qayd etildi. Murabbiy o'zi himoyachi bo'lgan paytlar Keynga qarshi o'ynaganini eslab, o'shanda Keyn doim eng oldingi chiziqda turgani sababli uning bunday qirralari ko'rinmaganini aytdi va «shunda unga qarshi himoyalanish ancha oson edi, faqat buni Garri bilib qolmasin», deya hazillashdi.
Shanba kuni «Bavariya» «Ayntraxt»ni 3:2 hisobida mag'lub etdi.
“Zamin”ni Telegramʻda oʻqing!
