Fevral o‘rtalarida «Bavariya» darvozaboni Manuel Noyer jarohat olib, taxminan uch haftaga safdan chiqishi aytilgandi. Biroq tajribali golkiper rejalashtirilganidan tezroq safga qaytishi ehtimoli bor. Bu haqda euro-football.ru xabar beradi.
Bild xabariga ko‘ra, dushanba kuni Noyer maydonda darvozabonlar murabbiyi va reabilitatsiya bo‘yicha mutaxassis bilan birga mashg‘ulot o‘tkazdi. U hali murakkab mashqlarni bajarmagan, ammo to‘p bilan ishlagani ijobiy o‘sish borligini ko‘rsatmoqda.
Germaniyada Noyer Dortmundning «Borussiya»siga qarshi o‘yindayoq muxlislarni hayratda qoldirishi mumkinligi haqida gap-so‘zlar tarqaldi. Jamoalar 28-fevral, shanba kuni uchrashadi.
Hozir «Bavariya» Bundesliga jadvalida peshqadam, ikkinchi o‘rindagi «Borussiya» esa 8 ochko ortda bormoqda.
“Zamin”ni Telegramʻda oʻqing!
