Moskvaning CSKA klubida to‘p surgan sobiq futbolchi Zoran Toshich Rossiya va Serbiya terma jamoalari o‘rtasida yana bir o‘rtoqlik uchrashuvi o‘tkazish g‘oyasiga munosabat bildirdi. Bu haqda euro-football.ru xabar beradi.
Toshichning aytishicha, u bunday bahsni takrorlash tarafdori: o‘yin Rossiyada ham, Belgradda ham tashkil qilinishi mumkin. Uning fikricha, avvalgi uchrashuv iliq taassurot qoldirgan va imkon bo‘lsa, bu tajribani yana qaytarish kerak.
Shu bilan birga, serblar 2026 yil Shimoliy Amerikada bo‘lib o‘tadigan jahon chempionati saralashida muvaffaqiyatsiz natija qayd etdi.
Eslatib o‘tamiz, 2024 yilda Rossiya termasi Serbiya bilan Moskvadagi «VTB Arena»da o‘ynab, 4:0 hisobida yirik g‘alabaga erishgandi. O‘sha bahsda rossiyaliklar deyarli butun uchrashuvni son jihatidan ustun holda o‘tkazgan.
“Zamin”ni Telegramʻda oʻqing!
